「四季人生」之「夏天」

 本年度第二次天主教開放日晚會剛在6月26號晚上在加詢堂順利舉行。

今年我哋嘅主題係「四季人生之--希望」。當晚嘅主題係「四季人生」之「夏天」。

感謝天主，當晚天氣和暖，不太炎熱。參加者高達90多人。當中有很多是初次參與的朋友。

當晚用了夏天作為主題，我們用了原創短片去介紹兩位夏天的女主角怎樣經歷困難和挑戰？

Click here for the video

聖詠 62:6-7:  我的靈魂，你只安息在天主內，因為我的期望全是由他而來。只有他是我的磐石，我的救星；他是我的堡壘，我決不致搖傾。

小組討論的時候大家更坦誠地分享對夏天的感覺，更談及怎樣去應對當對前途感到困惑嘅時刻。

    

新環節「何」處有仁，邀請到何神父為我哋分享聖體聖事和堅振聖事。

「現在　幸有基督在旁

我已　挺起胸襟振作

此刻　懷着盼望相遇上

傷悲　如從未發生」

最後我們在敬拜與讚美（Praise and worship)用一首耳熟能詳的經典加西生活營歌「與你冋行」去結束當晚嘅聚會。

2025年度第1次天主教開放日在5月29號順利完成。

 感謝天主，2025年度第1次天主教開放日在5月29號順利完成。 

今年我哋嘅主題係「四季人生之--希望」

2025年係天主教禧年嘅開始,今年代表咗大赦、寬恕、重生、更新的時期開始了,亦都係一個承諾將“希望帶到已經失去希望的地方”的時期.

今年嘅天主教開放日，希望透過人生嘅四季去帶出希望呢個主題.喺天主教徒生活當中,人生無論係邊一個階段，信仰都能夠帶俾我哋一份盼望一份希望，無論環境困難，呢份信仰都比我哋希望去行落去. 

四季係一年嘅周期，亦都係代表生命嘅四個周期，天主教開放日希望藉住四季同埋四季中睇到嘅希望同大家分享天主教信仰.

五月係我哋今年活動嘅開始，所以我哋就用咗春天作為當晚嘅主題. . 我哋生命中嘅春天就好似新生命嘅開始一樣，充滿希望，充滿生機.而作為天主教徒嘅我哋領洗之後，喺主耶穌基督之中重新出發.

另外今年天主教開放日新增了一個新嘅環節叫做--「何」處有仁，何神父會喺呢個環節同大家分享天主教嘅七件聖事，同新來嘅朋友講解一下天主教嘅聖事當中點樣帶出希望， 今次聚會我哋講咗領洗對於天主教徒嚟講係一個新開始.

最後我哋一齊用愛頌作為當晚嘅祈禱，歌詞講出愛是永不嫉妒或虛詐卻叫人慈祥忍耐愛也永不遮嘆和失意，卻令人有信念與期望.

Video: 四季人生之-- 春天